Roşin Vlad Leonidoviç 27 aprel 1969-cu ildə Bakı şəhərində anadan olmuşdur.

1986–1992-ci illərdə Azərbaycan Dövlət Bədən Tərbiyəsi İnstitutunda “Məşqçi-müəllim” ixtisası üzrə ali təhsil almışdır.

1987–1989-cu illərdə SSRİ Silahlı Qüvvələrinin Volqoqrad şəhərində yerləşən hərbi hissəsində müddətli həqiqi hərbi xidmətdə olmuşdur.

Peşəkar fəaliyyətinə 1990-cı ilin yanvar ayından başlayaraq Bakı şəhəri, 273 nömrəli tam orta məktəbdə şahmat üzrə məşqçi-müəllim kimi başlamışdır.

Roşin Vlad Leonidoviç şahmat idman növü üzrə I dərəcəli hakim statusuna malikdir.

Hal-hazırda Azərbaycan Həmkarlar İttifaqları İdman Təşkilatları Assosiasiyasının “Şahmat və Zəka oyunları” bölməsində məşqçi-müəllim kimi fəaliyyətini uğurla davam etdirir.